Demi matahari dan cahayanya di pagi hari, dan bulan apabila mengiringinya, dan siang apabila menampakkan nya, dan malam apa bila menutupinya, dan langit serta pembinaannya, dan bumi serta penghamparannya, dan jiwa serta penyempurnaannya (ciptaannya), maka Allah mengilhamkan kepada jiwa itu (jalan) kefasikan dan ketakwaannya. Sesungguhnya beruntunglah orang yang mensucikan jiwa itu, dan sesungguhnya merugilah orang yang mengotorinya.
Demi masa, Sesungguhnya manusia itu benar-benar dalam kerugian kecuali orang-orang yang beriman dan mengerjakan amal saleh dan nasehat-menasehati supaya mentaati kebenaran dan nasehat-menasehati dengan kesabaran.  

Pidato Pasambahan ( Pidato Siriah )

Ujuang : Maa baliau, datuak, ....

Pangka : Sampaikan lah Datuak, ...

Ujuang :
Ikomah sambah nan ka dipulangkan ka bakeh Datuak, adek bajalan babuah batih, adek malenggang babuah tangan. Dek lai tasuo nan bak kian, mamintak kami ka bakeh silang nan bapangka, karajo baiek nan bapokok, naikkan janang ka tangah, mah Datuak ..

Pangka :
Lah ukue sampai, Datuak ....

Ujuang :
Bilang sakiro itu lah, Datuak .../Lanjut baca... (klik judul)

Pangka :
Jikok baitu pintak jo pinto, pintak bulieh, kandak balaku. Namun samantang pun baitu, basaba juo Datuak samantaro, tarago janang marenjek saruang, mah Datuak ...

Ujuang :
Basaba kami mananti, mah Datuak.....

.... janang tagak manjapuik carano dari ujuang, kemudian dilatakkan di muko ninik mamak rang sipangka...

Ujuang :
Maa baliau, Datuak, ....

Pangka :
Sampaikan lah Datuak, ...

Ujuang :
Ikomah sambah nan ka dipulangkan ka bakeh Datuak, pitaruah indak baunyian, pasan indak baturuti. Satantang pakiriman kami nan talayang, lah sampai kolah ka haribaan Datuak, mah Datuak ....

Pangka :
Sabarih pakiriman Datuak nan talayang, lah mawujuik lah barupo, mah Datuak ...

Ujuang :
Maa baliau, Datuak, ....

Pangka :
Manitah lah Datuak, ...

Ujuang :
Itumah sambah nan ka dipulangkan ka bakeh Datuak, sungguh pun Datuak surang nan dihadang dengan sambah, tagah dek adaik jo limbago, dek aluran datuak kasamonyo, ambo ka mandatangkan sambah. Apolah ruponyo jinih pasambahan nan ka ambo pulangkan ka bakeh Datuak, dek curiang barih dahulu, dek andai pusako lamo, jikok basiang di nan tumbueh, jikok batimbang di nan ado, tumbuah sarupo iko kini. Dek lamo lupo kok datang, dek banyak ragu kok tibo, nan tinggi kok kurang anjuang, nan gadang kok kurang amba, Allah nan basipaik Qodim, manusia basipaik khilaf. rila jo maaf ambo puhunkan. Limbak nan dari pado itu, adaik kan duo salanggano, cancang nan duo salandasan.

Putiang talatak di hulu
Di bawah kumpalan tali
Asa mulo rundiang dahulu
Tigo limbago nan tajadi

Partamo sambah manyambah, kaduo baso jo basi, katigo sirieh jo pinang. Sambah manyambah dalam adaik, tali batali undang undang. Tasabuik bamuluik manih, takato baso jo basi, muluik manih pangarang baso, budi baiek tali pikatan, pahubuang silaturrahmi, banamo adaik sopan santun. Rajo alam di Minangkabau, pamuncak di limo puluah, iyo carano rang namokan.

Ramo-ramo tabang malayang
Malayok ka koto tangah
Banyaknyo ampek pulueh ampek
Endah carano bukan kapalang
Talatak di tangah-tangah
Di lingkuang urang nan rapek

Carano banamo carano basa, baukie bamego-mego, batatah bak pucuak rabuang, buatan Sariak Sungaipua. Batirai ba antiang-antiang, ba aleh kusap kain ramin, panuah barisi kalangkapan, kaganti baso jo basi. Loroang kapado siriahnyo, siriah nan kuniang merah janggi. siriah tajali tampuak udang, dimakan sahalai manih, buahnyo jarang basuo, batang diambiek ka tinaman, satahun dalam gulungan, usah ka busuak layuapun tido. Limbak kapado pinangnyo, pinang baruntuak jo baruntun. Bak dasun dibalah duo, bak bawang dibalah ampek. Batangnyo tinggi linggayuran, satahun tupai mamanjek. balun lai sampai ka puncaknyo. Tingginyo jambo-jamboan, buahnyo jangkau-jangkauan, jatuah ka bawah jadi ambun, banamo si Ambun Suri. Loroang kapado gambianyo, kaba barito kami danga, buatan puti sari lamak, sapipia jatuah ka siriah, mambayang sampai ka muko, lamaknyo tingga di rangkungan, sarinyo naiak ka paroman, sirahnyo nampak di bibia. Sadahnyo langkitang gadang, di basuah jo aie ambun, bacampua jo pati santan, diambuih jo lingka cino, dikipeh jo ambi-ambi, putiah nan bagai banak balam. Dipalik jo jari manih, bakisa ka jari tangah, mambayang ka tapak tangan. Timbakaunyo aluih bak randau batang padi, diracik nak rang Piobang. Di Ranah Luak Limo Puluah, bapantang masiek di paneh, masiak satangkai aie bungo.

Ramo-ramo di tangah koto
Lipek batindieh bungo nango
Pitalah rami lah pakan
Patah subang patahlah saluik
Datuak sarato nan bak tuo di siko
Liek lah sirieh dalam carano
Dayang panginang mahasiekan
Antah nyo kurang antah lai cukuik

Pituah juo ambo ka dibari barang sapatah, mah Datuak ....

Pangka :
Bana pulo tumah sapanjang panitahan Datuak nan ka tangah,

Rajo indaruang nak ka bayang
Nak lalu ka indropuro
Kudo balang kaniangnyo putieh
Tapawik cando di halaman
Langkok kakang jo palanonyo

Satatang pangiriman dayang panginang
Lah ambo liek dalam carano
Sirieh kuniang pinangnyo putih
Gambie nan elok kapamenan
Sadonyo lah cukuik asie balako, mah Datuak .....

Ujuang :
Lah ukue sampai Datuak .....

Pangka :
Bilang sakiro itu lah Datuak ....

Ujuang :
Dang dikatokan lah cukuik asie balako, disinan kan takana pulo ambo dek pitua urang tuo kito, apolah nan manjadi pitua dek urang tuo kito

Ayam putieh tabang batali
Di lurah mangko marawok
Batalue di rumpun sariek
Anaknyo turun salapan

Makan lah sirieh pinang kami
Bapitua mangko basingkok
Baibarek mangko dicabiek
Batangnyo ambiek ka tinaman

Tanam sirieh tanam lah pinang
Tanam karakok di halaman
Makan sirieh gatok lah pinang
Baitu pitua sapangkalan,

mak Datuak .....

Pangka :
Lah ukue sampai, Datuak....

Ujuang :
Bilang sakiro itulah, Datuak....

Pangka :
Bana pulo tumah panitahan tuan nan ka tangah, jikok didanga lah elok bunyi, jikok dipandang lah rancak rupo. Satantang pintak jo pinto Datuak tadi, pintak buliah kandak balaku.

Gadang lah aie muaropaneh
Bapenong lalu ka muaro
Ka pakan mambali sadah
Dibawo anak urang kampuang Dilam

Lah mandanguang carano ameh
Lah mandanciang palapah nan pusako
galak tasengeang kapuran sadah
Tandonyo siriah lah kami makan

alah kasanang hati Datuak, mah Datuak .....

Ujuang :
Iyo lah baiek manyanang hati kami, mah Datuak....

Bersambung ...

Note :
Pidato pasambahan Manjapuik marapulai, disusun oleh kawan-kawan di "Kacimpuang pamenan Mandi" di bawah arahan Halvi Hamid Mangkoto Sati, yang anggotanyo terdiri dari anak Nagari Muaropaneh Kabupaten Solok nan ado di Jakarta dan sekitarnyo.

Naskah ini telah beberapa kali dikaoan (dipraktekkan) dalam acara manjapuik marapaulai manjalang baralek di gedung atau di aula. Diharapkan naskah ini dapat membantu memberikan arah dalam acara pidato pasambahan.

Semoga bermanfaat. sumber:http://www.cimbuak.net




Bajalan luruih Bakato bana, kapai tampek batanyo Kapulang tampek babarito/Minang

Kok diajak urang pasupadan Kok dialiah urang kato pusako Kok dirubah urang kato dahulu Jan cameh nyawo malayang Jan takuik darah taserak/Minang

Malompek samo patah Manyaruduak samo bungkuak Tatungkuik samo makan tanah Tatalantang samo minum aie/Minang

Jikok kato bamulo dari hati Yo ka hati juo ka masuaknyo Jikok kato bamulo dari lidah Talingo sajo parantiannyo/Minang

Sekal kau mengkhianati kepercayaan saudara-saudara sebangsamu, kau tak akan pernah lagi bisa mendapatkan rasa hormat dan rasa percaya mereka.

Mungkin Kau bisa mendustai semua orang sekali waktu; bahkan mungkin kau bisa mendustai beberapa orang setiap waktu; tapi, kau tak bisa mendustai semua orang setiap waktu [Abraham Lincoln]

Aku selalu bilang bahwa dalam politik, musuh-musuhmu tak bisa melukaimu, tapi, teman-temanmu akan membunuhmu[Ann Richards]

Poltik dan takdir manusia dibentuk oleh manusia tanpa gagasan dan kebenaran.

Manusia yang memilki kebesaran di dalam dirinya tidak akan berpolitik[Albert Camus]

Manusia adalah hewan yang berpolitik[Aristoteles]

Politik adalah seni mencari masalah, menemukan masalah di mana-mana, mendiagnosisnya secara serampananga dan memberikan obat yang salah[Groucho Mark]

Keadilan tanpa kekuasaan tak akan berdaya; kekuasaan tanpa keadilan adalah tirani.[Blaise Pascal]

Akar Kekerasan: Kekayaan tanpa harus bekerja, Kesenangan tanpa nurani, Pengetahuan tanpa karakter, Perniagaan tanpa moralitas,Ilmu tanpa kemanusiaan, Pemujaan tanpa pengorbanan, Politik tanpa prinsip.[Mohandas K. Gandhi]

Untuk menata dunia, kita harus menata terlebih dahuku bangsa; untuk menata bangsa, kita harus menata keluarga terlebih dahulu; untuk menata keluarga, pertama-tama kita harus menata diri pribadi kita terlebih dahulu; kita harus meluruskan hati kita sebelum yang lainnya [Kong Hu Cu]

Di masa masa penuh kebohongan, berkata jujur adalah adalah suatu tindakan revolusioner [George Orwel

Di dalam politik, kau akan tahu bahwa kau lebih diarahkan untuk kedudukan dengan alasan palsu. Jangan pernah mengeluh dan jangan pernah menjelaskan [Stanley Baldwin]

Semuanya berubah. Orang mulai menganggap bahwa pelawak itu serius, dan politisi itu lelucon [Will Rogers]

Politisi selalu menantikan pemilu berikutnya. Negarawan menantikan generasi berikutnya [Thomas Jefferson]

Politik adalah buatan manusia. Hanya kemurahan hati, belas kasih, dan keadilanlah yang berasal Tuhan [Terry Waite

Dunia politik dan dunia teater hanya terpisahkan oleh satu garis tipis[Julian Bond]